السودان الجميل وماجميل

اذا كان عمرك بين18_60عام
سودانى اومولود لاب سودانى داخل اوخارج السودان؟يجب ان تخضع للجنه الاختيارالعامه وبعدها للجان فرعيه متخصصه والتصنيف كالاتى"
عندك شهادات وواسطه: حبابك الف
ماعندك شهادات وعندك واسطه: برضوحبابك الف
عندك شهادات وخبره وماعندك واسطه :سيب رقم تلفونك فى الاستقبال واكيدحتسمع خبر
ماعندك شهادات ولاواسطه:امشى انتحر
شين وصوتك حلو:فنان
سمحه وصوتك ماحلو:برضوفنانه
سمج ودمك يلطش وتجيدفن غرويدالعيون:اذن انت مذيع سودانى
سمحه وغبيه نوعين
الاول سمحه ونحيييفه مذيعه فى النيل الازرق
سمحه وسمينه هارمونى الشروق
التانى شينه وسمينه تلفزيون السودان
شينه ومسيخه مضيفه جويه
عدم احساس جلدتمساح :ناس سودانير
قنعان من روحك وعايزتدعم المنتج المحلى:تركب سودانير
سبع صنايع والبخت ضائع:موظف حكومه,مدرس,سواق تكسي
سبع صنايع والبخت الرائع:موظف اتصالات
امك داعيه ليك:ياخدوك فى شركه دال
رجل المستحيل:كستمركير
المستحيل بى عينه:خدمه سودانيه ترقى لمستوى لاباس
عزيزقوم ذل:طبيب
مصاص دماء:تشتغل فى جهازالمغتربين
سياسى عمرك فوق المئه ديناصور:معارضه
حالى موهلات ومستهبل:سفيرللسودان بالخارج
حالى موهلات واهبل:مسئول
كترتا ومسختا:مستشار
عايزتشتهر :اخترع ليك حركه خزعبلاويه لتحرير السودان
حمارشغل:الفئه دى ماعندنا
مدهوك معجون معفوص ممغوس موجع مقطع مرقع جيعان وسخان قرفان تلفان سجمان رمدان غالبك التسوى:مبروك انت مغترب
منقول من البريد الالكترونى

ما جميل ابدا والله السودان0 وما نراه يحصل فيه الان
من تردى وضحالة فى الذوق العام يدل على مدى ما
وصلتنا اليه المحسوبية ليس الا0 والحمد لله الذى جعل
الاغتراب ضالتنا0 وابعدنا من تلك المغائص المعاشة
فى وطن لو وجد قليل من الاهتمام لاصبحنا اليوم فى الريادة
لان التنوع الموجود فيه قل ما يوجد فى بلد اخر0 ولكن
هكذا هو قدره وقدرنا نحن0 وقديما كان يقال بان الغربة
كربة0 ولكن للاسف الشديد فقد اصبحت الغربة رحمة وملاذا
لكل من يسعى الى النهوض بذاته0 وحسبى الله ونعم الوكيل0
كسرة000
السودان سمح باهله وناسه0 ولولاهم لما فكرنا فى الرجوع
اليه مرة ثانية0 فالتحية والتجلة لكل شعب بلادى العظيم
ولا سيما الوديعة جزيرة الخير والمحبة والطيبة0 ولا ننسى
محوبتنا العمارة طه واهلها الكرماء0 لهم منى جميعا تحية
الصحة والعافية0 وكذلك التحية لكى انتى عزيزتى هيبات0

اسعدنى مرورك وان شاءالله السودان يرجع زى زمان كل حاجه جميله

اولاً دعينا نثبت ان السودان ما زال الجميل و لكن الما جميل هو ما حدث و ما يحدث الآن نتيجة تغيرات كثيرة و هى شخبطات لفنان لا يجيد رسم الوجوه فظهرت فيه هذه البثور و التقرحات التي غطت النضار الذي كان عليه و حتماً سيعود له بأذن الله .

اشكركم على التواصل ويبقى السؤال كيف نصلح ماافسدته الايام ونبدامن وين
صورت ياودعفاف الواقع فى العماره بصوره دقيقه الله يرحم ايام زمان

و الله الممارة دي رغم جفائها و جحودها يبقى حبها عندنازى الحمى الراجعة ما بتروح منك ابداً كلما ما تلقى البيئة المناسبة تعاودك آلامها و دحين انت بكلامك ده تورتها علينا.....وآآآه من الحمى الابت تفارق الجتة دي مالكم علينا يا ناس هوووووووى !!؟؟





و للوطن العزيز محبتي .

ليست هي وحدها القرية ما نتحسر علي
كيف كان و إلام صار

البلاد كلها تنفطر لها
أكباد المخلصين

الغد الأفضل سيأتي
وفي غد قزيب

إستبشرنا بمولد
‏ مذكرة الألف

رفعت مذكرة من القيادات الوسيطة بالمؤتمر الوطني
تطالب بأصلاحات سياسية جوهرية و تصحيح المسار الحكومي
للأطلاع عليها زيارة
sudanet.com
مع رجاء وضع الرابط في عنوان منفصل من قبل أحد الأخوان
وشكري

تشوهت صور كثيرة ف وجه بلادنا الجميل
‏..و لا زال فينا من يكشف أسباب عدم الجمال فيه ؟
‏.. ..
الصحافي عثمان ميرغني بالأمس كشف عن وثائق تدين مدير مؤسسة الأقطان المكنكش فيها 20 سنة
وأسرته و أخرون
وبعلم وكيل وزارة المالية السابق ..
ماسميت بفضيحة الخيش .. الأسعار بزيادة 100%
و خرجت من البلد عملة صعبة عبر هذه النافذة
عبر شركاتهم الخاصة ..
أعانك الله يا عثمان
ورحم الله
مزارعينا الصابرين
بعد الفضيحة ..
حتي صدر قرار رئاسي بالقبض ع. الدكتور و شريكه محي الدين .. .. ..
فأين البقية الباقية
وهل ممكن أسترداد المال العام
‏(ملايين من الدولارات).
‏ علي هي عمليات جراحية علي وجه بلادي المصاب بكثير تشوهات ..
ننتظر مابعد العملية

كلهم مفسدين ولسه الجاى اكتر ديل دمروا اى حاجه مسكوها حسبى الله ونعم الوكيل
سمعت المشيرالبشير قبل قليل يتكلم عن التعليم العالى وانجازات الانقاذ والبروف ابراهيم احمدعمر فى مضاعفه الجامعات وتوفير التعليم شعرت بمرارتى دايره تنفقع اى انجاز واى خرابيط صاح التعليم العالى متوفر ولكن كما لانوعا ودى بحس بيها الواحد البفكر اشتغل بره السودان
يعنى عربوالمناهج المكتبات ومعينات البحث العلمى صفر المعامل والاجهزه مامتواجده اومامتواكبه مع العصر الحالى يعنى الواحديقرا ويتخرج وهوغير مؤهل نهائيا وجعى

المذكرة ....و ...ما أدراك ما المذكرة ....
لكأنَي اسمع .....محموداً ....هجم النمر .....هجم النمر..!!!؟؟؟؟.