منتديات العمارة طه

ضيفنا الكريم يسعدنا ويشرفنا إنظمامك إلينا ونتمنى أن تقوم بالتسجيل معنا حتى يتسنى لك
قراءة المواضيع والمشاركة فيها وكل ماعليك هو التسجيل

أخبار و مناسبات العمارة طه و تحميل برامج و مساهمات

المواضيع الأخيرة

» أحكام الصيام
السبت مايو 31, 2014 12:09 pm من طرف محمد السليك

» صمت القبور على منتدى العمارة ...!!!!
الأحد يونيو 02, 2013 12:10 am من طرف ود عفاف

» توضيح بعض كلمات طواقي الخوف
الأربعاء مايو 15, 2013 3:49 pm من طرف wdalshaib

» ياسيدتي
الجمعة مارس 29, 2013 9:56 pm من طرف ود عفاف

»  سجدة في محراب دموع ... نفحة من وهج الرجوع
الجمعة مارس 29, 2013 2:11 am من طرف ود عفاف

» رائحة الرحيق
الجمعة مارس 29, 2013 1:13 am من طرف ود عفاف

» الناس ديل وين ................!!!!!!؟؟؟؟؟
الأربعاء مارس 27, 2013 11:00 pm من طرف ود عفاف

» مسائل في سجود السهو علي مذهب المالكية
السبت ديسمبر 01, 2012 10:44 am من طرف مزون الصيف

» إلي كل من هم (رابطة طلاب وخريجي العمارة طه)
السبت ديسمبر 01, 2012 10:36 am من طرف مزون الصيف

مكتبة الصور


التبادل الاعلاني

أكتوبر 2014

الإثنينالثلاثاءالأربعاءالخميسالجمعةالسبتالأحد
  12345
6789101112
13141516171819
20212223242526
2728293031  

اليومية اليومية

    كتابات شعريه للشاعر أزهري محمد علي (1)

    شاطر

    النويري
    مبدع نشيط
    مبدع نشيط

    عدد المساهمات: 25
    تاريخ التسجيل: 25/05/2010
    العمر: 31

    m3 كتابات شعريه للشاعر أزهري محمد علي (1)

    مُساهمة من طرف النويري في الثلاثاء سبتمبر 21, 2010 7:10 pm



    يامشرع الحلم الفسيح


    يامشرع الحلم الفسيح
    انا بيني مابينك جزر
    تترامى والموج اللديح
    القدرة والزاد الشحيح
    كملتو ماكمل الصبر
    نتلاقى في الزمن المريح
    ميعادنا في وش الفجر
    يامشرع الحلم الفسيح



    يامشرع الحلم الفسيح
    يابعض مني.... وفيني ساكن
    أنا أصلي منك ومشتهيك
    وبيناتنا ليل الغربة داكن
    هبة هبوبك ....
    أفتح شبابيك المساكن
    وسع دروبك
    ولع مصابيح المساكن
    يامشرع الحلم الفسيح



    يامشرع الحلم الفسيح
    يومنا النهِب .. أسلبنا خوفنا
    كبِرنا قدرك ... مرتين
    وطول قدٌر كتفك كتوفنا
    يارغبة الرعد البيسكن
    بين غنانا وحروفنا
    ضوي الدساكر والضفاف
    عبي الحناجر بالهتاف
    سدد مسامات الرعاف
    نور مغاراتنا وكهوفنا



    يامشرع الحلم الفسيح
    أنا وأنت ... والمطر الفصيح
    حنطوع الزمن القبيح
    ناخد بعض شكل السما
    حدثني دايماً كلما
    تنشف علي البر الضفادع
    يهجر الضو المواضع
    وتسقط من الكف الاصابع
    حدثني دايماً كلما
    تحرد مراسيك السفن
    تسكن مرافيك الزعامات ... الدُمي
    حدثني لو تاهت خطانا
    علي الدروب المبهمه
    أو ربما .......
    تهدم الات الشوارع
    وترجم العُزى الصواقع
    حدثني لو مطرك همى
    حدثني لو صادف الكي المواجع
    وضلك علي الساحل رمى
    علمنا دايماً كلما
    نبذر علي أرضك شهيد
    يطلع شهيد....
    يبهر بانوارو السما




    الخروج من بيت النمل


    تمي غناك الخمجان
    وذودي ايقاع الرقص
    ومحل ماتمدي إيدك
    انزلي مطر
    وريحي أعصاب الطقس
    مدستر فيك الزول الجواي
    ومنك أول زول
    نازل دستورو معاي
    أول زول صالحتةلوجه الارض
    كان منك
    اخر زول ناهر خوفي
    وعارف معني الرفض
    كان منك
    يامتوهطة حلم الكل
    ومعلنة إنك ضد البعض
    أنا راغب أستخلص عزبك
    من بحر الشك المالح
    أسقيك حليب الروح
    أكسيك من عُري الزمن الفاضح
    ياوحم العشق المحموم
    ومخاض الجرح الفادح
    أنا ليه قدامك...؟ دون
    وعدتك نمشي نخصب
    حلم المويه بوعد الرمل
    رجعنا نكلم حلم المويه
    برفض الرمل
    وقعدنا نقطع في المويه وفي الرمل
    سرقوك مني ودسوكي
    في بيت النمل
    طراك الصهيل حس السرير في بابي
    أنا عازمك مقيل ومخصمك ماتابي
    خليهوالعويل كان يسترك جُلبابي
    ياجدية العُزاز مابلحقك نشابي
    في الوادي الفسيح مرقت براها كلابي
    فزت في القنيص صدن بلاها كلابي
    أدتني السلام سلمتها السبابي
    حنًت للرحيل رحلت مع الجلابي
    وحيدا الكتيل كتل المنخلع للدابي
    وياخيه.....
    كل البراحات وسوسه
    الهاوية خلفك والبحر
    وقدمك طنين الهلوسه
    محمدك ساساق دروب الهم
    محمدك طول المدي الشاسع
    بين الايدين والفم
    وياإنتي ... العشم مزبوح
    أدسك في خلايا الدم
    تمرقي بي خراج الروح
    حمل كاذب رعد أبكم
    حبل متروك علي القارب
    واشوفك في الحصار باهته
    نتف غضب العصار ريشك
    حتل فيك الكلام الرخو
    نقز في دمي درويشك
    وأظنك إنتي
    غشاك الشعور بالزهو
    سقط سهواً غناك الكان
    بكلب جلدة الغفوه
    وينفذ من مسام الصحو
    لكنك بتطلعي من حوافر الخوف
    تطلعي من حلم مهووس
    ومن فجةسفر طول
    يسربك الحنين فيني
    تعلني عن زمن أتي
    تعلني عن وطن أجمل
    ولكنك بتطلعي





    بحبك بحر

    معاي
    وغشيتك أسلم عليك
    أتكل قصادك
    هموم الحراز
    أطمن طيوف الخريف الوشيك
    أبشر دواخلك بوعد الرزاز
    مودر ملامحك
    غيبتك
    لقيتك
    بتلفظ شوارعك بيوتك
    تصادر خطاك وتكاجر مشيك
    تغالط حواسك ملامحك
    وتحرد عيونك مقاطع وشيك
    سألتك خبارك؟
    مسوكر لسانك
    وصمتك يشفقك
    خبارك بتغرب شموسك
    زمان الشموس البتشرق
    تضيع الملامح التطعن وجيهك
    ومنك تدفق
    خبارك غريبة
    أقلب دواخلك
    أكوس الحبيبه اللي عنك بتفرق
    بتفرق حبيبتي البتلبس فصول الخصوبة
    بتضحك أغاني
    وبتدفق عزوبة وبتنزل مطر
    عشقتك لانكي حبيبتي
    وبحبك بحر
    عشقتك لانك خواتم الحقيقةوطريق الوصول
    لانك بداية الخليقةواساس القبول
    أحيي القيوم البتفطم ذبولك
    ترضع سهولك مواسم الهطول
    أحيي المداين البتفتح حدودا
    وتمنح عيونك جواز الدخول
    يزيد خيرك
    ولا طابت بلاك عيشة
    مقسمة انت في غيرك
    مقسمة فيك مافيشة
    ومخيم ليلك العسعس
    لا برقن بروق صحوك
    لا صبحك رضى إتنفس
    يحندك في العطش غيمك
    تمطري إنت في الخاطر
    وتنفضي من دواخلي العس
    بديت أسامى للاخر
    رميت توب البيات الرث
    قويت إتيقنت روحي
    وسقط مني الكلام العث
    أنا الداخرك بصيره وشوف
    يا بقعة ضو
    في عتمة قلبي المحفوف
    ومسربل بالشتا واليل والخوف
    فارغة ومليان بيك
    وضيقة عليك البشره
    أنا غيبتك بيني وكنتك
    زملتك في الخاطر بُشرى
    مزقت ستار الجلد الهش
    وطلعتي من الجسد القشره

    تاوقت
    لقيتك فيني النفس الكامل
    تتاوقي اليابسة
    والنهر في إيدك صلصال
    يتسارق ضوك خافت
    متهافت نحوك أجري
    مهرول راكض
    سابقت خطاي وحدقتك
    غيمة... وضل... وبحيره
    ضاريتك بيني وضاريتك
    من الحزن القابض
    نفسي وروحي واقف عارض
    ستفت عيونك بالمطرة
    وقرحتك ضد الزمن الراكض
    وحدقتك حبيبتي
    البتشبه فصول الخصوبه
    تضحك أغاني وتدفق عزوبه
    وبتنزل مطر
    عشقتك لانك حبيبتي
    وبحبك بحر






      الوقت/التاريخ الآن هو الخميس أكتوبر 23, 2014 11:37 am