منتديات العمارة طه

ضيفنا الكريم يسعدنا ويشرفنا إنظمامك إلينا ونتمنى أن تقوم بالتسجيل معنا حتى يتسنى لك
قراءة المواضيع والمشاركة فيها وكل ماعليك هو التسجيل

أخبار و مناسبات العمارة طه و تحميل برامج و مساهمات

المواضيع الأخيرة

» صمت القبور على منتدى العمارة ...!!!!
الجمعة مايو 11, 2018 6:24 am من طرف محمد كمال

» غياب دام لسنين عددا
الخميس فبراير 02, 2017 5:32 am من طرف wdalshaib

» تاريخ مسجد العمارة طه
الثلاثاء أبريل 07, 2015 5:03 pm من طرف محمد عبدالعظيم

» مسائل في سجود السهو علي مذهب المالكية
الأربعاء مارس 25, 2015 11:47 pm من طرف hatimdafalla

» أحكام الصيام
السبت مايو 31, 2014 5:09 pm من طرف محمد عبدالعظيم

» non
الأربعاء مايو 15, 2013 8:49 pm من طرف wdalshaib

» ياسيدتي
السبت مارس 30, 2013 2:56 am من طرف ود عفاف

»  سجدة في محراب دموع ... نفحة من وهج الرجوع
الجمعة مارس 29, 2013 7:11 am من طرف ود عفاف

» رائحة الرحيق
الجمعة مارس 29, 2013 6:13 am من طرف ود عفاف

مكتبة الصور


التبادل الاعلاني

يونيو 2018

الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 

اليومية اليومية


    حليل خالك

    شاطر
    avatar
    ود العمارة
    مبدع فعال
    مبدع فعال

    عدد المساهمات : 35
    تاريخ التسجيل : 17/07/2010

    m3 حليل خالك

    مُساهمة من طرف ود العمارة في الأحد أغسطس 15, 2010 12:18 pm

    من روايع الشاعر محمد الجاك الصراف
    حليل خالك
    الدخـــــري يا ود أخــــتي عـز الدين
    باكـــــر تــزور بــيــتــنا وتـــشــوف صـــورتي
    وتــقــول : حبـــوبه ديــيــيــك صــــورة مــنو المــلـصوقه في الحيـــطــه ؟
    تــقـــولوا لــيك : دي صـــورة خالك أو لدي .... حلـــيل خالك
    اكان زولا يــشـد الحيـــــل
    بــونـــســـنا وكلامـــو لــزيز ..... بلحــيـــل
    كـــتير الناس تـــقـــول مجنــون ..... و ما مجــنون
    في شـــيتنا جـــو في قلبو يــزاول لــيهو حـــامي النوم
    يــبــرم في ســبيب راسو و يســاهر لي هــوايد اللـــيل
    يــقــوم من نومــو ضربة ديك
    يـــفــوت من بيتو بريقو زي الضيف
    ويشيل محجــانو في كتفو
    ويطب مخلاتو في باطــو
    ويفارق الحله مستعجل مع هبة نسايم الــصـــيف
    وحــفيان ســـاي !.... يباري القيف
    يضرب الغابه وتوكر ..... يحت في السعفه و العليق
    يهز شدرا فروعو حديد
    ولما العين تكون شافت قريب وبعيد
    بهايم الحــله تــتوجه عـــشــان ماتا كل المحــتوت
    يعاين ليها وتبسم وما يحا حيها يمشي يفوت
    حشاهو ضمر تقول عجلا مكدن في الوتد مربوط
    بعد ما تـغــيب يقوم يرجع يجيب نبقا تقول ياقوت
    مغسل بي دموع الحور
    معلق في رقيبه السمحه في البنوت
    يختو حداهو وتلفت وجيهو حزين
    بد ما يقول بدور اكل يــقول بس نادو عزالدين
    حــليل خالك
    ************
    أكان زولا بريد الجـــوطه والحفلات
    محـــل ما يــســمع النقره
    بخط طاقيتو في راسو
    ويشيل طــمبورو في ايدو
    ويدج حفيان برا نعلات
    دلا ليك العرس داقات
    ريحة المحلب المخلوط مع الصندل
    حنه مخلوطه في طاســات
    ضــريرتا ماليه حـشــم الحق
    وام العريس مشغوله بس بالداخله و المارقه
    وبنات عم العريس واقفات
    يسالمن ديل .... ويعزمن ديل .... ويجاملن ديل
    وشــايلات جــرتقا ما غش
    خرز مــنــضوم مع اللولى
    وهـلالا زي هــلال شــوال جــديد يلمع
    زغاريت البنات طاقات
    عريس بالفرحه داير انشق
    محـصـن نفسو ! بي ياســين
    وجايبين ليهو عضم الحوت
    ومالي ضراعو بالحجبات
    حجابا جلادو ود فراج غليد واحمر
    متقله بطنو بالايات
    وهاك ياغبره وجوطه
    وناس داخلين .... وناس مارقين
    وناس قاعدين .... وناس واقفين
    وناس نايمين .... وناس صاحين
    وناس ضاحكين .... وناس ساكتين
    وناس رايقين .... وناس جايطين
    وضيفا جا ..... وضيفا فات
    وخالك منسي في طرف الصريف واقف
    ولا زولا يقول امش
    ولا زولا يقول تعال
    دموعو تسيل مطر صابات
    طبق طمبور قبــل صاد
    وجالك راجع يغني ليك
    غناهو حزيييين
    غنايا يبعث الميتين
    حليل خالك
    *********
    عمار الدنيا مهما ذاد مصيرو زوال
    تربتا الزول تناديهو
    وعمر الزول تتم ايامو مهما طال
    وخالك كان اظن عارف سنينو قلال
    وناجع ديما في سيقانو ودر عمرو بالترحال
    قدرمابزيد عليهو الجـــوع يقــرط تكه السروال
    دريبو وعر ملان بالشوك
    كضب كان قالوا كاس لي نعال
    هــو حــالك خال
    ********
    دا من جنو يســــافر في الــفيافي برا
    وشاغل بالو سك الصيد
    مخلي قليبو ناسي ورا
    ضلام الدنيا في عيونو ويفتش لي منابع النور
    لسانو اسل
    وريقو فتيت
    وساكن ديمه في العتمور
    مشرك للغزال بالخبت
    وزارع في الارض البور
    دا قمحان من بنات ادم
    وراجي يموت يهاجر لي بنات الحـــور
    حليل خالك
    ********
    وآآآخـــر عمـــرو ياولدي
    مرض مرضا
    مرض مرضا
    مرض مرضا
    رقد تلاته سنين
    وكل الشافتو تسكلج
    تقول كر كر دا ما بحيا
    ومالك يامين يقول يامييين
    كتير البطل الشغله وقعد حـــرســو
    يشهدو فيهو بالتلقين
    وكم كم مــره جبنا المويه في القرعـــه
    عشان ما نغمد العينين
    وماتن تب ادياتو
    جلد ملصق على عضامو
    وحطب مداهن الكرعين
    وجبنا حنوطنا للتجهيز
    بقينا نعد ضـــليعاتو
    ونقول : يالروح سكونك وين
    لقينا الروح تطق مسجونه في الحلقوم
    مربطه بي سلاسل كـــن
    وطايعه الواحد القيوم
    متين امرق متين امرق متين امرق
    ونحن قعدنا في الدلجه وحـــرسنا ايوب
    شهور وشهور بقينا سقد
    وماضاقت عيونا النوم
    وكل الحله منكسره ومجاملانه
    ناس التايه بت منشار
    وبت حمدون
    بنات طه وبنات التوم
    واخوات كمال الدين
    عمتك كلتوم
    وبت حاج احمد السره
    وبنات طيبه
    وبخيته الرايقه بت جادين
    دموعن بلن الواطا تيابن جرجرن دمــور
    وحزنا نين علي خالك
    عشان خالك قليبو حنين
    وشال في كتفو هم الناس
    يشيل ويردم
    يشيل ويردم
    ويدس في همو في قلبو
    ويقاسي براهو حــر النار
    دا شيتنا ما بتشوفو العين
    وهــمــــو كتر
    وقلـــبو انقد يوم العيد
    وخالك مات
    مات ما ضاق العديل والزين
    حليل خالك
    حليل خالك يا عزالدين

    ود العماره

      الوقت/التاريخ الآن هو الإثنين يونيو 25, 2018 12:39 am